16:31
18.3.2014
11:44
18.3.2014
Яцанюк зьвярнуўся да жыхароў поўдня і усходу Ўкраіны
Прэм’ер-міністар Украіны Арсеній Яцанюк зьвярнуўся да жыхароў паўднёвых і ўсходніх абласьцей Украіны.
Кіраўнік урада паведаміў пра спробы расейскіх спэцслужбаў зладзіць правакацыі ва ўкраінскіх рэгіёнах. Таксама ён выказаў пазыцыю ўлады па неадкладных пытаньнях і сытуацыі ў краіне.
08:50
18.3.2014
Сёньня ў Сымфэропалі пахаваюць закатаванага крымскага татарына.
Сёння ў Сымфэропалі пахаваюць 38-гадовага Рэшата Аметава, па-зьверску закатаванага ў Крыме нявызначанымі асобамі. 2 сакавіка ён браў удзел у маўклівым пратэсьце каля захопленага так званай «самаабаронай Крыму» парлямэнта аўтаноміі, а 3 Сакавіка адправіўся з хаты ў ваенкамат і зьнік.15 сакавіка ў Белагорскім раёне знайшлі цела Рэшата Аметава са сьлядамі зьдзекаў — галава заматаная скотчам, на нагах кайданкі. Маёмасных матываў у гэтага злачынства няма. У забітага засталося трое малалетніх дзяцей, малодшаму зь якіх два з паловай месяцы.
Post by Ayder Muzhdabaev.
07:52
18.3.2014
У выпадку, калі расейскія войскі актывізуюць уварваньне на тэрыторыю Украіны, альбо марыянэткавы ўрад ці так званая крымская «самаабарона» будуць ажыцьцяўляць гвалт над прадстаўнікамі крымскататарскага народа, то Турэччына будзе вымушаная перакрыць расейскім суднам праход праз Чарнаморскія пралівы. Пра гэта паведамляе УНІАН, спасылаючыся крыніцы ў турэцкіх дыпляматычных колах.