Праблема рэстытуцыі – вяртаньня страчаных культурных каштоўнасьцяў – набывае новыя абрысы. Пакуль на высокім узроўні чуюцца абяцаньні шукаць беларускія скарбы і на захадзе, і на ўсходзе, у прыватным парадку зь Беларусі вывозяцца ня меншыя каштоўнасьці. Перадусім гэта тычыцца “чорных археолягаў”, маштабы дзейнасьці якіх выключна пашыраюцца, а іх тэхнічнай забясьпечанасьці зайздросьцяць нават прафэсіяналы.