Макей на Зьезьдзе беларусаў сьвету: «Я згодны з Алексіевіч, што досыць у Беларусі рэвалюцыяў»

Зьезд беларусаў сьвету, Менск. Выступае міністар замежных справаў Ўладзімер Макей

У Менску 15 ліпеня пачаў працу VII зьезд беларусаў сьвету. На яго вылучылі 160 дэлегатаў з замежжа і 145 зь Беларусі. На адкрыцьцё прыехаў міністар замежных справаў Уладзімер Макей.

«Ад 3 да 4 мільёнаў беларусаў за мяжой — гэта велізарная сіла, — сказаў Макей на адкрыцьці зьезду. — Я згодны са Сьвятланай Алексіевіч, якая неаднойчы казала, што напэўна досыць у Беларусі войнаў, досыць рэвалюцыяў. Мы павінны зрабіць усё, каб нашая краіна разьвівалася эвалюцыйным шляхам».

Your browser doesn’t support HTML5

Міністар Макей выступіў на Зьезьдзе беларусаў сьвету

Алена Макоўская, старшыня рады ЗБС «Бацькаўшчына» агучыла тэму сёлетняга зьезду: «Беларуская нацыя, беларуская дзяржаўнасьць, беларускае замежжа – выклікі сучаснасьці і стратэгіі разьвіцьця»,

Радзім Гарэцкі, былы прэзыдэнт ЗБС «Бацькаўшчына» заклікаў да аб’яднаньне беларусаў дзеля далейшай пабудовы незалежнай дзяржавы. Ён адзначыў, што сёлета час найважнейшых юбілеяў: 500-годзьдзе беларускага і ўсходнеславянскага кнігадрукаваньня, 100 годзьдзе ўсебеларускага народнага зьезду, які падмуркам абвяшчэньня БНР, 80-годзьдзе піку сталінскіх рэпрэсіяў.

Сёньня пачаў працу ўжо сёмы Зьезд беларусаў сьвету. Першы прайшоў у 1993 годзе, ён сабраў больш за 1300 дэлегатаў з замежжа.