Сярод загінулых — грамадзянін ЗША. Паводле саудаўскіх уладаў, таксама загінулі грамадзяне Банглядэш, Ярданіі, Палестыны, Сырыі, Судану і Эгіпту, а таксама чацьвёра падданых Саудаўскай Арабіі.
У выніку ўдару будынак аэравакзалу атрымаў пашкоджаньні. Аэрапорт часова закрыты.
Прэзыдэнт ЗША Дональд Трамп рэзка асудзіў атаку і заявіў, што Вашынгтон можа «вельмі хутка» прыняць рашэньне аб далучэньні да ўдараў Саудаўскай Арабіі па хусітах. Раней, паводле паведамленьняў, ЗША адхілялі просьбы Эр-Рыяду далучыцца да ваеннай кампаніі.
Атаку таксама асудзілі шэраг краінаў Блізкага Ўсходу. У Эўразьвязе яе назвалі «актам тэрору».
Падтрыманай Іранам групоўка «Ансар Ала», вядомая як хусіты, кантралюе значную частку тэрыторыі Емэну, у тым ліку сталіцу краіны. Саудаўская Арабія падтрымлівае праціўнікаў хусітаў — міжнародна прызнаныя ўлады Емэну.
У ліпені, пасьля замірэньня, якое дзейнічала некалькі гадоў, бакі аднавілі ўдары адзін па адным. Хусіты атакуюць аб’екты нафтавай прамысловасьці і цывільную інфраструктуру Саудаўскай Арабіі. Эр-Рыяд у адказ наносіць авіяўдары па пазыцыях хусітаў. Дапамогу Саудаўскай Арабіі абяцалі Пакістан і Турэччына.