Савет міністраў Беларусі з дазволу Аляксандра Лукашэнкі пастанвіў выдаткаваць больш за 1 млн беларускіх рублёў сваім партнэрам у Вэнэсуэле, якая нядаўна зазнала моцнага землятрусу.
У склад гуманітарнага грузу хочуць уключыць маёмасьць для забесьпячэньня жыцьця, мотапомпы, кампрэсарную станцыю, а таксама 12 тонаў мэдыцынскай прадукцыі.
Агульная сума гуманітарнай дапамогі з улікам дастаўкі грузу складзе больш за 1 млн рублёў. На сёньняшні курс гэта крыху больш за 326 тысяч даляраў ЗША.
Разбуральны землятрус адбыўся ў Вэнэсуэле 24 чэрвеня. Насамрэч іх было два, першы магнітудай 7,2 балы, другі нават большы — 7,5 балаў.
Празь месяц пасьля трагедыі Ўсясьветны банк падлічыў, што Вэнэсуэла зазнла стратаў на 19,6 млрд даляраў. Паводле ацэнак уладаў, загінулі каля 5000 чалавек, амаль 17 000 былі параненыя. Яшчэ каля 18 000 вэнэсуэльцаў засталіся без жыльля.
Супраца Беларусі і Вэнэсуэлы
У 2006 годзе ў Беларусь упершыню прыехаў Уга Чавэс, тагачасны лідэр Вэнэсуэлы, тады ж яны разам з Лукашэнкам падпісалі некалькі пагадненьняў аб стратэгічным партнэрстве, тады ж стварылася сумеснае прадпрыемства для здабычы нафты Petrolera Belovenezolana. Таксама кампанія займалася распрацоўкай радовішчаў нафты і газу.
Плянаў ўзаемнага гандлю паміж краінамі было на мільярды даляраў, праекты прадугледжвалі супольнае будаўніцтва і ахоплівалі мноства галінаў гаспадаркі. Аднак многія з дамоўленасьцяў ня выйшлі за межы паперы, а шэраг рэалізавалі зусім ня ў поўным маштабе.
На аснове выцеку пэўных дакумэнтаў высьветлілася, што праз хабарніцтва, некампэтэнтнасьць і геапалітычныя авантуры Беларусь страціла сотні мільёнаў даляраў. Арганізацыя BelPol у лютым правяла буйное расьсьледаваньне і паказала, што сталася з амбітнымі беларуска-вэнэсуэльскімі праектамі.
Паводле падлікаў, агульная сума запазычанасьці Вэнэсуэлы перад Беларусьсю па ўсіх праваленых праектах склала каля 200 мільёнаў даляраў. Вярнуць гэтыя грошы практычна нерэальна: эканоміка Вэнэсуэлы разбураная, а прапанаваныя варыянты аплаты Менск не задавальняюць.