Як паведаміла выданьне «Позірк» з спасылкай на Нацыянальны банк Беларусі, фізычныя асобы за сем месяцаў набылі валюты на 7,968 мільярда даляраў (у эквіваленце), а прадалі — на 9,304 мільярда. Адмоўнае сальда склала 1,336 мільярда.
Фізычныя асобы набылі наяўнай валюты на 5,264 мільярда, а прадалі — на 7,103 мільярда (адмоўнае сальда 1,809 мільярда), безнаяўнай — на 2,704 мільярда і 2,201 мільярда адпаведна.
Міжнародныя рэзервовыя актывы Беларусі на 1 жніўня 2026 году склалі 14,192 мільярда даляраў у эквіваленце. За месяц золатавалютныя рэзэрвы (ЗВР) вырасьлі на 36,9 мільёнаў даляраў, або на 0,26% (на 1 ліпеня — 14,155 мільярда).
На 1 студзеня 2026 году ЗВР складалі 14,423 мільярда даляраў. Такім чынам, за першае паўгодзьдзе яны скараціліся на 230,3 мільёна, або на 1,6%.
Манэтарнае золата ў структуры золатавалютных рэзэрваў на 1 жніўня склала 6,981 мільярда даляраў (-1,4 мільёна за месяц; −0,02%), спэцыяльныя правы запазычаньня — 1,403 мільярда (+3 млн; +0,21%), рэзэрвовыя актывы ў замежнай валюце — 5,809 мільярда (+35,3 млн; +0,61%).
Рэзэрвовая пазыцыя ў Міжнародным валютным фондзе ды іншыя актывы засталіся бязь зьменаў — 0,03 мільёна і 0,1 мільёна даляраў адпаведна.
Такім чынам, на рост ЗВР у ліпені найперш паўплывала павелічэньне рэзэрвовых актываў у замежнай валюце.
ГЛЯДЗІЦЕ ТАКСАМА:
Спыталі ў беларусаў, ці адмаўляюцца яны ад даляраў празь іх нізкі курсШто папярэднічала
У 2025 годзе насельніцтва Беларусі выступіла чыстым прадаўцом замежнай валюты. Фізычныя асобы набылі замежнай валюты на 12,95 мільярда даляраў (у эквіваленце), прадалі — на 14,58 мільярда (адмоўнае сальда — 1,63 млрд).
Летась напрыканцы траўня старшыня праўленьня Нацбанка Раман Галоўчанка назваў продаж валюты насельніцтвам і суб’ектамі гаспадараньня адным з двух чыньнікаў, што паўплывалі на рост міжнародных рэзэрваў: «Мы яе скупаем і, калі можна так сказаць, складаем пад вялікую дзяржаўную падушку».
Паводле зьвестак Нацбанку, Міжнародныя рэзэрвовыя актывы Беларусі за мінулы год павялічыліся на 5,5 мільярда даляраў і на 1 студзеня 2026 году перавысілі 14,4 мільярда даляраў.
ГЛЯДЗІЦЕ ТАКСАМА:
У Беларусі ўвесь 2025 год фізычныя асобы прадавалі больш наяўнай валюты, чым купляліЧаму гэта важна
Калі насельніцтва прадае больш замежнай валюты, чым купляе (чысты продаж), гэта ўмацоўвае пазыцыі нацыянальнай валюты, зьніжае далярызацыю эканомікі і стабілізуе курс.
Аднак для грамадзян гэта часта можа азначаць падзеньне даходаў або рост цэн, які прымушае выкарыстоўваць валютныя зьберажэньні.