20 чэрвеня ў Вільні прайшоў беларуска-літоўскі сямейны фэстываль «Пад чароўным дрэвам».
Людзі сабраліся ў прасторы Sodas2123, што знаходзіцца ў гістарычнай частцы Вільні.
У рамках фэстывалю прайшлі сустрэчы зь беларускімі і літоўскімі пісьменьнікамі Ганнай Янкутай, Андрэем Скурко, Лізаветай Лянкевіч, Юргай Віле, Віргісам Шыдлаўскасам, Аўшрай Кюдулайце.
Прайшлі таксама літаратурна-музычная імпрэза для дзяцей і падлеткаў, мастацка-літаратурныя майстар-клясы, творчая майстэрня «Гатуем піцу!» зь літоўска-беларускай пякарняй «Дзьве булачкі», працаваў стэнд беларускай дзіцячай кнігарні «Гартайка». Імпрэзу завершыў канцэрт беларускіх і літоўскіх гуртоў.
Фэст арганізавала Асацыяцыя беларускіх бацькоў у Літве. Рэакцыі ўдзельнікаў фэсту можна пабачыць у відэарэпартажы Свабоды.