Каля 6-й раніцы мясцовага часу дрон захрас у бонавай загародзе супраць разьліву нафты за некалькі соцень мэтраў ад нафтавага тэрміналу. Тэрыторыю ачапілі. Калі стала зразумела, што дрон можа здэтанаваць, людзей эвакуавалі.
Выбух адбыўся каля 10:30 мясцовага часу. Паводле папярэдніх зьвестак, ніхто не пацярпеў.
У Міністэрстве абароны Румыніі заявілі, што дрон быў украінскі і страціў кіраваньне ў выніку ўзьдзеяньня сродкаў радыёэлектроннай барацьбы.
Ва ўкраінскім МЗС заявілі, што Ўкраіна своечасова паведаміла Румыніі пра вайсковы дрон, які страціў кіраваньне праз расейскае глушэньне.
Гэтае здарэньне паказвае, што агрэсія Расеі нясе пагрозу ня толькі для Ўкраіны, але і для ўсяго рэгіёну, напісаў прэс-сакратар МЗС Украіны Георгі Ціхі ў X.
ГЛЯДЗІЦЕ ТАКСАМА:
Румынія ў адказ на ўдар расейскага дрону закрые расейскае консульстваТыдзень таму расейскі паветраны бесьпілётнік урэзаўся ў жылы шматпавярховік у румынскім горадзе Галаць непадалёк ад мяжы з Украінай. Два чалавекі атрымалі раненьні.
У траўні ўкраінскі вайсковы дрон выявілі непадалёк ад берагоў Леўкады ў Грэцыі. Атэны выказалі Кіеву пратэст.