Ужо сёньня. 90 гадоў з дня нараджэньня пісьменьніка Васіля Якавенкі

Даты дня

1581 — у горадзе Астрогу выйшаў каляндар Івана Фёдарава. Да кожнага месяца былі надрукаваныя вершы беларускага паэта Андрэя Рымшы.

1891 — у Нью-Ёрку адчынілася канцэртная заля Карнэгі-хол, дырыгентам першага канцэрту быў Пётар Чайкоўскі.

1945 — пачалося антынацысцкае паўстаньне ў Празе.

У гэты дзень нарадзіліся

1818 — Карл Маркс, нямецкі эканаміст і філёзаф.

1831 — Уладзіслаў Борзабагаты, паўстанцкі камісар Наваградзкага павету падчас паўстаньня 1863–1864 гадоў.

1846 — Генрык Сянкевіч, пісьменьнік, ляўрэат Нобэлеўскай прэміі.

Генрык Сянкевіч

1917— Юры Багушэвіч, беларускі пісьменьнік, перакладчык.

1921 — Рыгор Булацкі, беларускі пэдагог і гісторык, першы дэкан факультэту журналістыкі БДУ.

1936 — Васіль Якавенка, беларускі празаік, публіцыст, грамадзкі дзеяч.

ГЛЯДЗІЦЕ ТАКСАМА:

Памёр пісьменьнік Васіль Якавенка

1945 — Казімер Велікаселец, дапаможны біскуп Пінскае дыяцэзіі.

ГЛЯДЗІЦЕ ТАКСАМА:

«Калі даведаліся пра Кандрусевіча, то проста не прыехалі». Чаму ў Беларусі адмяняюць трансьляцыю набажэнстваў з касьцёлаў

1952 — Алесь Шут, мэдык, удзельнік нацыянальна-дэмакратычнага руху 1980-х — пач. XXI ст., дэпутат Апазыцыі БНФ у Вярхоўным Савеце 12 скліканьня. Памёр у 2019 годзе.

ГЛЯДЗІЦЕ ТАКСАМА:

Сьцяг над Плошчай. Памяці дэпутата незалежнасьці Алеся Шута

1960 — Юрась Беленькі, дэпутат Апазыцыі БНФ у Вярхоўным Савеце 12-га скліканьня, адзін з кіраўнікоў КХП-БНФ.

Юрась Беленькі

У памяці

1821 — Напалеон I Банапарт, былы францускі імпэратар.

Магіла Напалеона ў Доме інвалідаў у Парыжы

1977 — Людвіг Эрхард, нямецкі палітык і эканаміст, «бацька» пасьляваеннага нямецкага «эканамічнага цуду», канцлер Нямеччыны ў 1963–1966 гадах.

2016 — Аляксандар Талерчык, гісторык, краязнавец, мэцэнат

ГЛЯДЗІЦЕ ТАКСАМА:

Вянок памяці: Аляксандар Талерчык