У лістападзе 1996 году яго абралі намесьнікам старшыні парлямэнту.
Пра сьмерць Генадзя Цярэні на 78-м годзе жыцьця паведаміла ў Фэйсбуку былая супрацоўніца Вярхоўнага Савету Валянціна Сьвяцкая.
Генадзь Цярэня нарадзіўся 9 траўня 1948 году ў вёсцы Стайкі Аршанскага раёну, служыў міліцыянтам. У незалежнай Беларусі ўступіў у Аб’яднаную грамадзянскую партыю.
У Віцебскай вобласьці яго абралі дэпутатам Вярхоўнага Савету 13 скліканьня, пасьля канстытуцыйнага рэфэрэндуму 1996 году ён перайшоў у апазыцыю да Аляксандра Лукашэнкі.
Тады частка дэпутатаў, якія ў лістападзе 1996 году не прызналі роспуск Вярхоўнага Савету, абралі яго намесьнікам старшыні парлямэнту.
Разьвітаньне зь Генадзем Цярэнем адбудзецца 8 красавіка ў Менску з 12.00 да 13.00 у разьвітальнай зале па вуліцы Куляшова, 49.