Іранскі Корпус вартавых ісламскай рэвалюцыі (КВІР) пацьвердзіў гібель камандзіра Алірэзы Тангсіры ў выніку ізраільскага авіяўдару на мінулым тыдні.
30 сакавіка, празь пяць дзён пасля паведамленьня Ізраілю пра гэтую сьмерць, вэб-сайт КВІР Sepah News паведаміў, што адмірал Алірэза Тангсіры «памёр ад цяжкіх траўмаў» у выніку атакі.
Ізраіль раней заявіў, што камандзір быў забіты ў выніку ўдару па Бандар-Абасе, ключавым паўднёвым партовым горадзе ў Армускай пратоцы.
У заяве КВІР гаворыцца, што Тангсіры быў атакаваны «падчас арганізацыі і ўмацаваньня сілаў і абарончага шчыта астравоў і ўзьбярэжжаў» і памёр «ад цяжкасьці атрыманых траўмаў».
У заяве пра сьмерць Тангсіры КВІР не падаў дадатковых падрабязнасьцяў і не назваў магчымага пераемніка.
У чэрвені 2019 году Міністэрства фінансаў ЗША прызнала Тангсіры міжнародным тэрарыстам.
Вайскова-морскі флёт КВІР суіснуе з рэгулярнымі вайскова-морскімі сіламі Ірану і спэцыялізуецца ў «партызанскай» вайне, часта з выкарыстаньнем хуткасных катэраў, у Пэрсыдзкім заліве і Армускай пратоцы.
