Афіцыйная статыстыка паказвае нэгатыўныя тэндэнцыі ў беларускай эканоміцы.
Як вынікае з паведамленьня Белстату аб выніках лютага 2026 году, пачаўся спад індэксу прамысловай вытворчасьці — ён упаў у параўнаньні з студзенем–лютым 2025 году на 3,3%, бо апрацоўчая вытворчасьць заняпала на 7% у параўнаньні з такім жа леташнім пэрыядам.
Год таму, у лютым 2025 году, у прамысловасьці агулам назіраўся рост на 2%, а ў апрацоўчай — на 2,6%. На той момант прадукцыя апрацоўчай прамысловасьці складала 87% аб’ёму прадукцыі ўсёй беларускай прамысловасьці. Сёлета доля апрацоўчай прамысловасьці зьнізілася да 85,2%.
Як паведамляе Белстат, істотна ўпаў і гуртовы таваразварот. У студзені–лютым 2026 году ён упаў на 7% у параўнаньні з студзенем–лютым 2025 году.