Усяго сьпіс палітвязьняў папоўнілі 11 чалавек
- Вацлаў Багдановіч
- Ігар Дзегцяронак
- Аляксандар Яўдаха
- Зьміцер (Дзьмітры) Колас
- Дзьмітры Кондрусь
- Натальля Краўчак
- Раман Карпаў
- Уладзімір Магронаў
- Дзьмітры Новікаў
- Іван Петраневіч
- Аляксей Чарэшнеў
Паводле праваабаронцаў, улады ставяць ім у віну ўзаемадзеяньне з «экстрэмісцкімі» фармаваньнямі, піша «Вясна».
Цяпер у Беларусі 1141 палітычны вязень, пра якога ведаюць праваабаронцы «Вясны». Паводле праваабарончай ініцыятывы Dissidentby, палітвязьняў 1177. Розныя ініцыятывы выкарыстоўваюць розныя крытэры ўлучэньня ў сьпіс.
Перасьлед выдаўцоў у Беларусі
У канцы лютага ў Менску прайшлі масавыя затрыманьні выдаўцоў і распаўсюднікаў кніг. Паводле інфармацыі «Вясны», агулам затрымалі як мінімум 10 чалавек, частку зь іх адправілі на «содні».
3 сакавіка 2025 году КДБ абвясьціў экстрэмісцкім фармаваньнем «кааліцыю друкарскіх выдавецтваў» (якой насамрэч не існуе), залічыўшы ў яе Фонд Kamunikat.оrg, Lohvinau Publishing House, Andrei Yanushkevich Publishing і назваў датычнымі да яе Яраслава Іванюка, Зьмітра Коласа, Ігара Логвінава, Вацлава Багдановіча, Андрэя Янушкевіча і Алеся Яўдаху.
Багдановіч, Колас і Яўдаха цяпер за кратамі.