Прэм’ер-міністар Вугоршчыны заявіў на плятформе X, што Кіеў спрабуе прымусіць да падтрымкі свайго сяброўства ў Эўразьвязе. Аднак Будапэшт ня мае намеру паддавацца ціску і зрабіў крокі для забесьпячэньня паставак паліва.
У сераду Вугоршчына і Славаччына вырашылі не экспартаваць дызэльнае паліва ва Ўкраіну. Папулярнае дызэльнае паліва шырока выкарыстоўваецца ў аўтамабільнай прамысловасьці. Дзякуючы сваім тэхнічным парамэтрам яно таксама выкарыстоўваецца для запраўкі трактароў і большасьці вайсковых машын.
Гэтак Будапэшт і Браціслава адрэагавалі на прыпыненьне паставак расейскай нафты па паўднёвай галінцы нафтаводу «Дружба». Афіцыйна рашэньне прадыктавана шкодай, нанесенай расейскім нападам. Аднак урад Вугоршчыны разглядае яго як «палітычнае рашэньне».
ГЛЯДЗІЦЕ ТАКСАМА: У Эўразьвязе заклікалі Ўкраіну адрамантаваць пасьля расейскага абстрэлу нафтаправод «Дружба» і аднавіць транзытВіктар Орбан, прэм’ер-міністар Вугоршчыны з 2010 году, выказаўся ў гэтым пытаньні ў сацыяльных сетках.
«Рашэньне ўкраінцаў заблякаваць пастаўкі нафты ў Вугоршыну нафтаводам „Дружба“ — гэта відавочны палітычны шантаж. Яны спрабуюць ціснуць на нас, каб мы падтрымалі іх сяброўства ў Эўразьвязе і пераказалі сродкі, якія належаць вугорскім сем’ям», — напісаў лідар партыі «Фідэс».
Як паведамляе Euractiv, Эўразьвяз замарозіў 18 мільярдаў эўра з Будапэшту праз парушэньня каштоўнасьцяў Эўразьвяз і дыскрымінацыі ў дачыненьні ЛГБТКІ+ людзей. Прэм’ер-міністар Вугоршчыны рэгулярна выкарыстоўвае рыторыку, якая сьведчыць аб тым, што ЭЗ несправядліва ўтрымлівае грошы, якія належаць Вугоршчыне.
«На шчасьце, у Вугоршчыне ёсьць урад, які не паддаецца шантажу. Мы зрабілі ўсе неабходныя крокі для забесьпячэньня нашых паставак і не саступім», — дадаў Орбан.
ГЛЯДЗІЦЕ ТАКСАМА: Вугоршчына і Славаччына папрасілі ў Харватыі дапамогі з транзытам расейскай нафты. У Заграбе адказалі