Свабода вядзе храналёгію судоў, затрыманьняў, іншага перасьледу з палітычных матываў у Беларусі.
Судовага экспэрта арыштавалі за данаты і «здраду дзяржаве»
Стала вядома пра арышт судовага экспэрта Юрыя Васілеўскага. Пасьля арышту Васілеўскага ўтрымлівалі ў СІЗА КДБ. Яго абвінавачвалі ў данатах і здрадзе дзяржаве, чым скончылася яго крымінальная справа, пакуль невядома, піша «Наша Ніва».
Юры Васілеўскі скончыў Беларускі нацыянальны тэхнічны ўнівэрсытэт. Працаваў у БНТУ як асыстэнт катэдры і выкладчык , аўтар шэрагу навуковых артыкулаў і мэтадычных дапаможнікаў.
З 2017 года Васілеўскі ўключаны ў Рэестар судовых экспэртаў. Яго профіль — судовая будаўніча-тэхнічная экспэртыза. Там жа названыя месцы працы Юрыя — «Экспэрт Максімум», а таксама «ПравітЭксперт» і БНТУ як працы па сумяшчальніцтве.
ГЛЯДЗІЦЕ ТАКСАМА: Хроніка перасьледу 14 студзеня: новыя выракі ў палітычных справах у Берасьці і Гомлі