Пра аварыю на «Гомельвадаканале» паведаміў афіцыйны тэлеграм-канал старшыні Гомельскага гарвыканкаму Ўладзімера Прывалава.
Надзвычайнае здарэньне зьвязанае з выцекам у сыстэме падачы вады з-за «фізычнага зносу» ў раёне дому № 36 па Ляшчынскім праезьдзе. Чыноўнік адзначыў, што на месцы працуе аварыйная брыгада і адмысловая тэхніка. Прыкладны час устараненьня наступстваў — 16:40.
Абнаўленьне. Рамонт удалося завяршыць раней за заплянаваны час, ужо а 15:25. Ваду вярнулі ў дамы.
Па выкананьні рамонтных работаў адмыслоўцы прамыюць і здэзынфэкуюць пашкоджаны ўчастак. Адмыслоўцы ведамаснай лябараторыі прадпрыемства правядуць адбор пробаў вады.
Прывалаў зьвярнуўся да грамадзян з просьбай захоўваць спакой і запэўніў, што сытуацыя «пад кантролем».
У Гомлі 14 студзеня каля 13 градусаў марозу. У найбліжэйшыя дні, паводле зьвестак Белгідрамэту, пацяпленьня не чакаецца.
ГЛЯДЗІЦЕ ТАКСАМА: Як камунальнікі змагаюцца з наступствамі сьнегападу ў Менску