Пасьля 2020 году ў беларусаў зьявіўся асаблівы навагодні тост – за чорных лебедзяў, за нечаканы паварот лёсу.
Доўгі час здавалася, што ў Беларусь яны не прылятаюць. Але ў 2025 годзе «чорны лебедзь» усё ж зьявіўся — зь імем і прозьвішчам Дональд Трамп. Зьмена амэрыканскай палітыкі запусьціла новыя працэсы: вызваленьні палітвязьняў, зрухі з санкцыямі і новыя рызыкі. Падітычны аглядальнік Радыё Свабода Валер Карбалевіч падводзіць вынікі году і разьбіраецца, што гэта ўсё значыць для Беларусі.
- «Чорны лебедзь» — мэтафара для непрадказальных падзеяў зь вялікімі наступствамі. Постфактум гэтыя падзеі падаюцца вытлумачальнымі, але да моманту, пакуль яны не адбудуцца, іх немагчыма спрагназаваць.