Сяргей Суравікін паведаміў, што апэрацыя адводу войскаў будзе праведзеная ў бліжэйшы час.
«Манэўр войскаў будзе ажыцьцёўлены ў бліжэйшыя тэрміны, злучэньні зоймуць падрыхтаваныя абарончыя рубяжы на левым беразе Дняпра», — сказаў генэрал Суравікін.
ГЛЯДЗІЦЕ ТАКСАМА: «Тэрыторыя будзе ператвораная ў пясчанае балота». Ці рэальнае затапленьне Херсонскай вобласьціУ сваім дакладзе міністру Шайгу, які паказалі па расейскім тэлебачаньні, Суравікін спаслаўся на цяжкасьці забесьпячэньня расейскай групоўкі на правым беразе Дняпра. Ён таксама выказаў меркаваньне, што частка войскаў будзе задзейнічана на іншых кірунках. Па словах Суравікіна, па Дняпры выбудавана абарона.
Расейскія акупацыйныя ўлады ў другой палове кастрычніка прапанавалі жыхарам правага берага Дняпра выехаць у левабярэжныя раёны. Тады Суравікін заявіў, што адносна лёсу Херсону магчымыя «няпростыя рашэньні». З Херсону былі эвакуаваныя расейскія дзяржустановы, помнікі савецкім і расейскім дзеячам. З адміністрацыйных будынкаў зьнялі расейскія сьцягі. Пры гэтым афіцыйна да апошняга моманту сьцьвярджалася, што горад рыхтуюць да абароны.
ГЛЯДЗІЦЕ ТАКСАМА: Расейцы пры адыходзе з Херсону падарвалі некалькі мастоў, каб перашкодзіць наступу ўкраінскага войска- Херсон быў акупаваны расейскімі войскамі ў пачатку сакавіка — гэта быў адзіны абласны цэнтар Украіны, узяты падчас расейскага ўварваньня. На фоне наступу УСУ расейскія акупацыйныя ўлады ў другой палове кастрычніка пачалі прымусова вывозіць жыхароў некаторых раёнаў Херсонскай вобласьці.