Пра гэта паведаміў неафіцыйны тэлеграм-канал прэсавай службы Лукашэнкі «Пул Первого».
У тэксьце спачувальнага ліста, які цытуе «Пул Первого», Гарбачоў згадваецца толькі як «прэзыдэнт Міжнароднага фонду сацыяльна-эканамічных і паліталягічных дасьледаваньняў».
ГЛЯДЗІЦЕ ТАКСАМА: «Гарбачоў сышоў без крыві, Лукашэнка б так ня змог», — дарадца Ціханоўскай Аляксандар Дабравольскі ўзгадвае апошняга кіраўніка СССР«З жалем успрыняў вестку аб сьмерці Міхаіла Сяргеевіча Гарбачова, чыё жыцьцё было шчыльна зьвязанае зь лёсам нашай агульнай Радзімы, — зазначыў Лукашэнка. — Міхаіл Сяргеевіч зрабіў вялікі асабісты ўнёсак у разрадку міжнароднай напружанасьці і глябальнае ядзернае раззбраеньне ў канцы ХХ стагодзьдзя».
ГЛЯДЗІЦЕ ТАКСАМА: «Вынікам стаў больш бясьпечны сьвет і большая свабода для мільёнаў людзей». Сусьветныя лідэры пра Гарбачова«Ён шчыра верыў у магчымасьць пераўладкаваньня грамадзтва на прынцыпах галоснасьці, народаўладзьдзя і адкрытасьці», — дадаў Лукашэнка.
Спачуваньні сям’і Гарбачова выказаў таксама прэзыдэнт Расеі Ўладзімір Пуцін. Як стала вядома, пахаваньне экс-прэзыдэнта СССР адбудзецца 3 верасьня на Навадзевічых могілках у Маскве, дзе пахаваная жонка Гарбачова Раіса.
ГЛЯДЗІЦЕ ТАКСАМА: Што Гарбачоў зрабіў для Беларусі?