У дакумэнце зазначаецца, што за апошнія 20 гадоў Вашынгтон падтрымліваў 46 лябараторый і ўстановаў аховы здароўя. Усе яны займаліся дыягностыкай захворваньняў у сфэрах аховы здароўя і сельскай гаспадаркі.
Паводле Пэнтагону, праца ў лябараторыях вялася ў супрацоўніцтве з Сусьветнай арганізацыяй здароўя і Сусьветнай арганізацыяй здароўя жывёлаў. Мінабароны ЗША сьцьвярджае, што гэтая праца прывяла да эфэктыўнага выяўленьня захворваньняў. Украінскія навукоўцы працавалі ў адпаведнасьці зь міжнароднымі нормамі, зазначаецца ў бюлетэні.
ГЛЯДЗІЦЕ ТАКСАМА: У Кіеве расказалі, што ў Расеі лічаць амэрыканскімі біялябараторыямі ва ЎкраінеРасея раней заяўляла, што на тэрыторыі Ўкраіны пры падтрымцы Мінабароны ЗША дзейнічаюць лябараторыі, якія маюць дачыненьне да біялягічнай зброі. І Вашынгтон, і Кіеў гэтыя абвінавачваньні расейскага боку адмаўляюць. У Злучаных Штатах не выключаюць, што Масква наўмысна распаўсюджвае непацьверджаныя зьвесткі — для ажыцьцяўленьня ўласных біялягічных ці хімічных нападаў.
ААН раскрытыкавала Маскву за словы пра біялягічную зброю ва Ўкраіны. Арганізацыя сьцьвярджае, што ў яе няма якіх-небудзь зьвестак па распрацоўцы Кіевам біялягічнай зброі.
ГЛЯДЗІЦЕ ТАКСАМА: ААН абвергла заявы Расеі пра «лябараторыі біялягічнай зброі» ва Ўкраіне ГЛЯДЗІЦЕ ТАКСАМА: Антыфэйк. Расея гаворыць пра чуму і халеру, а доказам выстаўляе кішэчную палачку ГЛЯДЗІЦЕ ТАКСАМА: Белы дом: Расея можа выкарыстаць біялягічную або хімічную зброю