Маскоўскі гарадзкі суд вырашыў ліквідаваць праваабарончы цэнтар «Мэмарыял», прызнаны ў Расеі «замежным агентам». Гэта адбылося пасьля таго, як напярэдадні Вярхоўны суд Расіі ліквідаваў міжнароднае таварыства «Мэмарыял».
Маскоўская пракуратура падала ў суд на праваабарончы цэнтар. Міністэрства юстыцыі Расеі і пракуратура сьцьвярджалі, што цэнтар сыстэматычна ўтойваў інфармацыю аб выкананьні функцый замежнага агента, а менавіта не маркіраваў свае публікацыі. На думку пракурора, гэта выклікае ў расейцаў дэпрэсію.
Акрамя таго, з пазову вынікае, што пракуратура знайшла ў публікацыях праваабарончага цэнтру «прыкметы апраўданьня тэрарызму». На пасяджэньні пракурор заявіў, што праваабарончы цэнтар «падтрымаў усе пратэсты» і спрыяў «фармаваньню нэгатыўнага ўспрыманьня» расейскіх судоў.
ГЛЯДЗІЦЕ ТАКСАМА: Вярхоўны суд Расеі зьліквідаваў міжнароднае таварыства «Мэмарыял»Таксама «Мэмарыял» быў асуджаны за партнэрства з праваабарончым праектам «ОВД-Инфо», які, паводле абвінавачаньня, «апраўдваў экстрэмізм».
Праваабаронцы адпрэчвалі ўсе прэтэнзіі да іх.
ГЛЯДЗІЦЕ ТАКСАМА: Арыштаванага ў Расеі беларуса вывезьлі зь СІЗА. Адвакатка мяркуе, што павезьлі ў Беларусь