«У часе вучэньняў мы пабачылі, што ўсе падразьдзяленьні Міністэрства ўнутраных спраў — сапраўды кулак, які можа забясьпечыць унутраную бясьпеку Ўкраіны. Некалькі тыдняў таму тут была зусім іншая сытуацыя», — сказаў Дзяніс Манастырскі, наведваючы адну зь лякацый вучэньняў у Валынскай вобласьці.
Паводле яго, дзякуючы адпрацаванай каардынацыі спэцыяльныя сілы Ўкраіны змогуць адрэагаваць на магчымыя правакацыі на мяжы цягам 30–60 хвілін пасьля атрыманьня адпаведнай інфармацыі ад выведнікаў.
«Пасьлядоўнасьць будзе такая — атрыманьне інфармацыі ад выведных органаў, накіраваньне сілаў і сродкаў на месцы імавернага перасячэньня мяжы мігрантамі, першымі будуць памежнікі, далей далучацца сілы Нацпаліцыі і Нацгвардыі, якія абсалютна гатовыя даць адпор», — заявіў міністар унутраных спраў Украіны.
ГЛЯДЗІЦЕ ТАКСАМА: Колькасьць спробаў нелегальна перасячы польскую мяжу паменшалаСпэцыяльныя сілы адпрацоўвалі навыкі супрацьдзеяньня вялікай колькасьці мігрантаў, якія, паводле легенды, маглі прарвацца і праз пункты пропуску, і па-за імі, пашкодзіўшы інжынэрныя перашкоды. Апроч таго, сілавікі трэнаваліся затрымліваць малыя і блякаваць вялікія групы мігрантаў, якія прарваліся і заглыбіліся на тэрыторыю Ўкраіны, а таксама ліквідоўваць наступствы пажараў.
У сваю чаргу, старшыня Дзяржаўнай памежнай службы Ўкраіны Сяргей Дэйнэка паведаміў, што памежная выведка не назірае актыўнасьці мігрантаў.З 23 лістапада Дзяржаўная памежная служба Ўкраіны супольна зь сіламі Нацыянальнай гвардыі, Нацыянальнай паліцыі і Ўзброенымі сіламі на мяжы зь Беларусьсю праводзяць спэцыяльную апэрацыю «Палесьсе», каб не дапусьціць перамяшчэньня мігрантаў на сваю тэрыторыю.
ГЛЯДЗІЦЕ ТАКСАМА: Украіна на мяжы зь Беларусьсю распачала спэцыяльную антымігранцкую апэрацыюЦяпер на мяжы на магчымых напрамках прарыву працуюць узмоцненыя памежныя нарады. У ахове мяжы задзейнічаныя авіяцыя, бесьпілётныя авіяцыйныя комплексы, а таксама тэхнічныя сродкі назіраньня.
Апроч гэтага, у межах кантраляваных памежных раёнаў выставілі дадатковыя пасты на аўтамабільных дарогах, правяраюць аўтобусныя і чыгуначныя станцыі, а мясцовых жыхароў заклікаюць паведамляць пра ўсіх падазраваных незнаёмых асобаў.
ГЛЯДЗІЦЕ ТАКСАМА: Прэм’ер Курдыстану абвінаваціў Беларусь у выкарыстаньні мігрантаў для ціску на Эўразьвяз
Што папярэднічала
Пасьля пачатку міграцыйнага крызісу на мяжы Беларусі з Польшчай Украіна заявіла пра намер узмацніць ахову свайго ўчастку мяжы зь Беларусьсю. 10 лістапада прэзыдэнт Уладзімір Зяленскі правёў пасяджэньне Рады нацыянальнай бясьпекі і абароны. На ёй вызначылі 10 найбольш імаверных участкаў мяжы, на якіх магчымае масавае знаходжаньне мігрантаў.
Адначасова Ўкраіна пачала праводзіць кансультацыі са сваімі замежнымі партнэрамі аб узмацненьні бясьпекі на межах сваёй краіны ў сувязі з канцэнтрацыяй расейскіх войскаў паблізу і адначасовага міграцыйнага крызісу, створанага Беларусьсю.
ГЛЯДЗІЦЕ ТАКСАМА: Украіна атрымае дапамогу краін Люблінскага трыкутніка і ЭЗ для ўзмацненьня сваіх межаўГенэральны сакратар NATO Енс Столтэнбэрг 15 лістапада на брыфінгу ў Брусэлі па выніках сустрэчы зь міністрам замежных спраў Украіны Дзьмітром Кулебам заявіў, што міграцыйныя праблемы на мяжы з Эўропай і канцэнтрацыю войскаў Расеі каля Ўкраіны трэба разглядаць у комплексе.
ГЛЯДЗІЦЕ ТАКСАМА: NATO: міграцыйныя праблемы на мяжы з Эўропай і канцэнтрацыю войскаў Расеі каля Ўкраіны трэба разглядаць у комплексе19 лістапада міністар унутраных спраў Украіны Дзяніс Манастырскі заявіў, што міграцыйны крызіс на мяжы Беларусі і эўрапейскіх краін у любы момант можа абвастрыцца. Ён паведаміў, што на ахову мяжы дадаткова накіраваныя 15 верталётаў, 2 самалёты, 44 дроны, а таксама рэзэрвы Нацыянальнай гвардыі і Нацыянальнай паліцыі.