Гэта вузел сыстэмы папярэджаньня аб ракетным нападзе ў Ганцавічах і радыёстанцыя Вайскова-марскога флёту ў Вялейцы.
Міністар абароны Расеі Сяргей Шайгу канстатаваў сам факт, але не назваў, на які час працягнуты тэрмін дзеяньня пагадненьняў, піша Інтэрфакс . 43-і вузел сувязі «Вілейка» і радыёлякацыйная станцыя «Волга» ў Ганцавічах, якая працуе ў складзе расейскай сыстэмы папярэджаньня аб ракетным нападзе, разьмешчаныя ў Беларусі з 1995 году.
ГЛЯДЗІЦЕ ТАКСАМА: Масква і Менск падрыхтавалі «ваенную дактрыну саюзнай дзяржавы» ў адказ на «пагрозы Захаду»Тым часам міністар абароны Беларусі Віктар Хрэнін праінфармаваў, што вучэбна-баявы цэнтар, створаны ў краіне для сумеснай з Расеяй падрыхтоўкі спэцыялістаў ВПС і СПА, пачаў практычнае функцыянаваньне.
Раней ведамства паведамляла пра адзін цэнтар у Горадзенскай вобласьці, ужо правераны на сумесным стратэгічным вучэньні «Захад-2021». Але ня так даўно ў Маскве ўдакладнілі, што іх будзе два.
ГЛЯДЗІЦЕ ТАКСАМА: Шайгу заявіў, што ў Беларусі будуць два вучэбна-баявыя цэнтры Ўзброеных сілаў Расеі. Раней казалі пра адзін«У ходзе вучэньня праверылі функцыянаваньне двух вучэбна-баявых цэнтраў на тэрыторыі Беларусі, а таксама арганізацыю баявога дзяжурства ў адзінай рэгіянальнай сыстэме СПА Расейскай Фэдэрацыі і Рэспублікі Беларусь», — сказаў Сяргей Шайгу падчас падвядзеньня вынікаў манэўраў.
Рэгіянальная расейска-беларуская групоўка войскаў функцыянуе ад 1999 году.