«Разглядаюцца вэрсіі пра самагубства і пра забойства з імітаваньнем самагубства. Гэта дзьве асноўныя вэрсіі, хаця мы не адкідаем іншых. Магчыма, у часе расьсьледаваньня будуць і іншыя вэрсіі», — паведаміў Ігар Кліменка 3 жніўня на прэсавай канфэрэнцыі ў Кіеве.
ГЛЯДЗІЦЕ ТАКСАМА: «Ён ня мог учыніць самагубства». Дзяўчына Віталя Шышова — пра апошнія дні ягонага жыцьцяІгар Кліменка
Кіраўнік паліцыі зьняпраўдзіў інфармацыю, што ў Віталія Шышова быў зламаны нос.
«Пакуль мы канстатуем, што была садраная скура на носе, на левым калене і невялікія драпіны на губе», — удакладніў ён і дадаў, што канчаткова стан мусіць вызначыць экспэртыза.
Ігар Кліменка — кіраўнік паліцыі, Арцём Шаўчэнка — дырэктар Дэпартамэнту камунікацый МУС, Яўген Калесьнік — намесьнік старшыні Галоўнага сьледчага упраўленьня паліцыі, Вадзім Дзюбінскі — старшыня Дэпартамэнту крымінальнага вышуку
Ігар Кліменка таксама паведаміў, што Віталь Шышоў не зьвяртаўся ў паліцыю з заявамі пра тое, што за ім сочаць. «Такіх зваротаў не было, ні летась, ні сёлета».
ГЛЯДЗІЦЕ ТАКСАМА: «Ён быў ураўнаважаны, пазытыўны, шмат каму дапамагаў», — сябры пра Віталя ШышоваНа прэсавай канфэрэнцыі прадэманстравалі фатаздымкі з асабістымі рэчамі загінулага, знойдзеныя на месцы гібелі, сьляды, а таксама вяроўку, складзеную ў чатыры разы.
Паволде паліцыі, вышыня ад зямлі да пятлі была тры мэтры
«Дадатковыя падрабязнасьці мы зможам паведаміць толькі пасьля правядзеньня дадатковых экспэртыз. Гэта ўсё, што мы маем на дадзены момант», — паведаміў кіраўнік Нацыянальнай паліцыі Ігар Кліменка.
Пры гэтым сёньня раніцай паліцыя з нагоды сьмерці Шышова завяла крымінальную справу паводле артыкулу 115 Крымінальнага кодэксу Ўкраіны (наўмыснае забойства).
ГЛЯДЗІЦЕ ТАКСАМА:
Што вядома пра «Беларускі дом ва Ўкраіне», кіраўніка якога знайшлі павешанымЦіханоўская пра сьмерць Шышова: «Беларусы ня могуць быць у бясьпецы нават за мяжой» Кіраўніка «Беларускага дому ва Ўкраіне» Віталя Шышова знайшлі павешанымКіраўнік МЗС Украіны хоча, каб знайшлі ўсю праўду пра сьмерць беларускага актывіста ў КіевеЗлучаныя Штаты заклікалі да «поўнага і дбайнага» расьсьледаваньня сьмерці кіраўніка «Беларускага дому ва Ўкраіне»