Як піша гомельская «Вясна», яго затрымалі 24 чэрвеня пасьля здымкаў каля СІЗА № 3 перад працэсам над палітвязьнямі Міколам Статкевічам, Сяргеем Ціханоўскім, Дзьмітрыем Паповым, Арцёмам Сакавым, Ігарам Лосікам, Уладзімерам Цыгановічам.
Журналіста даставілі ў РАУС, дзе пратрымалі 7 гадзін ды склалі пратакол паводле 23.5 КаАП РБ (незаконны выраб і распаўсюд прадукцыі СМІ).
ГЛЯДЗІЦЕ ТАКСАМА: Гомельскага журналіста Андрэя Толчына затрымалі пасьля здымак каля СІЗА, дзе судзяць 6 палітвязьняўАндрэй Толчын заявіў, што быў на вуліцы Кніжнай, запісаў жонку Мікалая Статкевіча і амбасадараў. Пасьля гэтага пад’ехаў бус, журналіста затрымалі, пры гэтым міліцыянты брудна лаяліся і пашкодзілі яму нагу.
«Міліцыянты сказалі, што маюць загад. У мяне быў бэйджык, дзе напісана, што я фрылансэр і паводле Канстытуцыі маю права зьбіраць інфармацыю. Віну не прызнаю, бо ня вырабіў прадукт СМІ», — заявіў у судзе Андрэй Толчын.
Аднак судзьдзя Сяргей Салоўскі палічыў ягоную віну даказанай і пакараў штрафам у памеры 870 рублёў. Таксама суд пастанавіў канфіскаваць у Андрэя Толчына ўсю тэхніку — штатыў, камэру, карткі памяці ды мікрафон.
ГЛЯДЗІЦЕ ТАКСАМА: «Усё за завесай таямніцы». Сваякі Ігара Лосіка і Арцёма Сакава пра судовы працэс ГЛЯДЗІЦЕ ТАКСАМА: У ачэпленым СІЗА ў Гомлі пачаўся закрыты суд над блогерамі і палітыкамі. Статкевіч выгукнуў «Жыве Беларусь!»