Неназваны аўстрыйскі дыплямат заявіў, што для Вены «важна, каб санкцыі не закранулі насельніцтва, зь якім Аўстрыя, у прыватнасьці, вядзе вельмі інтэнсіўны дыялёг».
Пра гэта са спасылкай на дыпляматычныя колы паведамляе Politico.
Паводле іншага дыплямата, венскі «дыялёг» — паводле лічбаў, прадстаўленых у рабочай групе па выпрацоўцы сэктаральных санкцый, — азначае, што больш за 90 адсоткаў усіх грошай, пазычаных Беларусьсю ў краінах ЭЗ, прыпадае на Аўстрыю.