Гарадзенцам Аліне Алдошынай і Паўлу Васільеву прысудзілі 15 гадоў зьняволеньня ў Нэпале. Маладзёнаў затрымалі 21 сьнежня 2019 году ў Міжнародным аэрапорце Катманду з 6 кіляграмамі какаіну, схаванага ў зімовых куртках, піша «Белсат». Акрамя таго, беларусы мусяць сплаціць кожны па 4300 даляраў штрафу.
Джыван Ніраўля з нэпальскага Бюро кантролю за наркотыкамі паведаміў, што Алдошына і Васільеў адбываюць пакараньне ў турме ў сталіцы гэтай азіяцкай краіны, а дэпартаваць беларусаў на радзіму ня будуць.
Какаін знайшлі падчас надгляду багажу рэнтгенам у аэрапорце. Маладзёны прыляцелі з Турэччыны і ў той жа дзень мелі сесьці ў самалёт на Ганконг.
Аліна расказвала пасьля затрыманьня, што яны ня ведалі пра какаін і адважыліся на перавоз куртак, бо хацелі хутка зарабіць — Павал зьбіраў грошы на кампутар, каб вучыцца праграмаваньню. На допыце ў паліцыі беларусы прызналіся, што тавар ім перадалі двое грамадзян Балівіі падчас сустрэчы ў гатэлі. Замоўцы сказалі, што курткі прамочаныя нейкім мэдычным прэпаратам. Гарадзенцам абяцалі за працу 2000 даляраў.
ГЛЯДЗІЦЕ ТАКСАМА: У Расеі паліцыянтам далі ад 5 да 12 гадоў за тое, што падкінулі журналісту наркотыкіАліна Алдошына — дачка першага намесьніка начальніка АУС і кіраўніка крымінальнай міліцыі адміністрацыі Ленінскага раёну Горадні Аляксея Алдошына.
6 кг какаіну — вялікі аб’ём наркотыкаў, і такое злачынства ў Нэпале караецца зьняволеньнем ад 15 да 25 гадоў, а таксама штрафам ад $4400 да $22 000.
ГЛЯДЗІЦЕ ТАКСАМА: «Ня хочацца верыць, што мы тут боўтаемся бескарысна». Як нарказалежная марыць пра выставу ў калёніі ГЛЯДЗІЦЕ ТАКСАМА: За амфэтамін і гашыш сьпевака Ціму Беларускіх асудзілі на 2 гады «хатняй хіміі». ФОТА