Таксама Рымша мае сплаціць 375 рублёў як кампэнсацыю УУС Горадзенскага аблвыканкаму, бо пашкодзіў службовы транспарт.
У залі суду яго ўзялі пад варту.
32-гадовага Сяргея Рымшу прызналі вінаватым у тым, што позна ўвечары 9 жніўня ў цэнтры гораду каля Савецкай плошчы ён кідаў кавалкі бэтону ў аўтамабіль, дзе сядзелі 6 амапаўцаў.
Ён, паводле афіцыйнай вэрсіі, перашкаджаў руху транспарту. Рымшу пры затрыманьні моцна пабілі, разьбілі губу і нос, пашкодзілі вуха, так што ў мужчыны пагоршыўся слых.
Пацярпелымі прызналі шэсьць супрацоўнікаў АМАПу.
Рымша сваёй віны цалкам не прызнаў. У той вечар гарадзенец знаходзіўся на Савецкай плошчы, але не парушаў закону і не ўжываў гвалту над міліцыянтамі.
Пракурор прасіў для Рымшы 4,5 года пазбаўленьня волі, адвакат — цалкам апраўдаць.
Справу разглядаў судзьдзя Юры Казакевіч.
Гэтая публікацыя падрыхтаваная з выкарыстаньнем інфармацыі БелаПАН.
ГЛЯДЗІЦЕ ТАКСАМА: Праваабаронцы запатрабавалі пачаць супраць судзьдзі і пракурора ў справе Дзьмітрыя Галко крымінальны перасьлед ГЛЯДЗІЦЕ ТАКСАМА: У Берасьці адзінокую маці асудзілі за «гвалт над міліцыянтам» ГЛЯДЗІЦЕ ТАКСАМА: Актывіста БНФ зь Лідзкага раёну на закрытым судзе пакаралі 5 гадамі калёніі «за пратэсты» ГЛЯДЗІЦЕ ТАКСАМА: За гвалт да міліцыянтаў 22-гадовага пратэстоўца асудзілі на 4 гады калёніі