На выбарчым участку № 25 у Віцебску парушэньняў падчас прэзыдэнцкіх выбараў ня выяўлена. Такі адказ прыйшоў на запыт Tut.by з галоўнай управы ідэалягічнай работы і справаў моладзі аблвыканкаму.
Менавіта з гэтага ўчастка ў сеціва трапіў скандальны запіс з голасам, як мяркуецца, на той момант кіраўніка Кастрычніцкага раёну Віцебску Сяргея Сташэўскага, які прымусіў настаўнікаў перапісаць пратаколь на карысьць кандыдата Аляксандра Лукашэнкі.
У адказе з подпісам галоўнага ідэоляга вобласьці Генадзя Ягорава таксама паведамляецца, што Сташэўскі ўжо не працуе кіраўніком адміністрацыі.