Назіральная рада Парку высокіх тэхналёгій зарэгістравала 71 новага рэзыдэнта. Гэта кампаніі, якія вядуць бізнэс у сфэрах мэдыцыны, лягістыкі, электроннай камэрцыі, кансалтынгу, гульнявой індустрыі, праграмнага забесьпячэньня для АПК.
Сярод новых рэзыдэнтаў — кампаніі «Вайс ЭйАй», якая распрацоўвае праграму для дыягностыкі захворваньняў скуры, і «ХелсМэй», якая спэцыялізуецца на тэлемэдыцыне.
ГЛЯДЗІЦЕ ТАКСАМА: Маці Валера Цапкалы: Яго пакрыўдзілі, калі пагналі з Парку высокіх тэхналёгіяўУ ПВТ таксама ўвайшла ТАА «СофтКлуб», якое займаецца аўтаматызацыяй банкаўскага сэктару і працуе больш як з двума дзясяткамі фінансавых установаў краіны.
Акрамя беларускіх кампаній, у ПВТ увайшлі кампаніі зь Вялікай Брытаніі, Нямеччыны, Ізраілю, ЗША, Швайцарыі, у тым ліку шэраг цэнтраў распрацоўкі замежных карпарацый.
ГЛЯДЗІЦЕ ТАКСАМА: 40 тысяч прыхільнікаў Цапкалы адгукнуліся на ягоны заклік даказаць свае подпісыАгулам у Парку высокіх тэхналёгій налічваецца 886 кампаній, у якіх працуе каля 63 тысяч чалавек.
Колішні заснавальнік ПВТ Валер Цапкала ўдзельнічае ў сёлетняй прэзыдэнцкай кампаніі.