Больш за 70 беларускіх Telegram-каналаў падпісалі супольную заяву аб палітычных рэпрэсіях супраць блогераў у Беларусі. На момант публікацыі заяву праглядзелі больш як 150 тысяч разоў.
У ліку падпісантаў заявы як буйных каналаў кшталту Nexta і «Беларусь головного мозга» (адміністратар другога Ігар Лосік цяпер арыштаваны), так і невялікія і вузкатэматычныя, кшталту «Сьцежкі Беларусі» або «Криминальная хроника 1920-х».
Адміністратары каналаў асуджаюць затрыманьні і перасьлед беларускіх блогераў з «надуманых нагодаў», абвінавачваюць беларускія ўлады ў парушэньні Канстытуцыі і стварэньні пагрозы базавым правам грамадзянаў.
Яны заклікаюць чытачоў падтрымаць зьняволеных грашыма, лістамі і пашырэньнем інфармацыі пра сытуацыю ў Беларусі. Таксама беларусаў заклікаюць падтрымліваць незалежныя каналы ў Telegram і Youtube, ствараць свае каналы і чаты, але пры тым сачыць за правіламі бясьпекі.
ГЛЯДЗІЦЕ ТАКСАМА: Amnesty International патрабуе вызваліць арыштаваных у Беларусі блогераў і актывістаў ГЛЯДЗІЦЕ ТАКСАМА: У Беларусі ўжо 23 палітвязьні. Хто яны ГЛЯДЗІЦЕ ТАКСАМА: Служба бясьпекі. 7 правілаў інтэрнэту, якія мы ігнаруем