Крэмль зрабіў больш жорсткай праверку удзельнікаў мерапрыемстваў з удзелам прэзыдэнта Расеі Ўладзіміра Пуціна. У наведнікаў правяраюць тэмпэратуру цела цеплавізарам. Пра гэта паведаміў у фэйсбуку журналіст расейскага тэлеканалу «Дождь» Антон Жалноў, акрэдытаваны для асьвятленьня працы прэзыдэнта.
Меры засьцярогі прынятыя ў сувязі з успышкай каранавірусу, — пацьвердзіў выданьню «Ведомости» прэс-сакратар Пуціна Дзьмітрый Пяскоў. Паводле яго, правяраюцца ўсе ўдзельнікі публічных мерапрыемстваў. Днямі ў Крамлі пацьвердзілі сустрэчу Пуціна і Аляксандра Лукашэнкі 7 лютага.
У лістападзе прэзыдэнт Расеі запатрабаваў ад членаў урада тэрмінова зрабіць прышчэпкі ад грыпу, — паведамляла агенцтва ТАСС. «На грып захварэў — самастрэл. А як? Можна прадухіліць — не прадухіліў. Я вас прашу падумаць пра гэта», — цытавала Пуціна агенцтва.
ГЛЯДЗІЦЕ ТАКСАМА: У Крамлі пацьвердзілі сустрэчу Пуціна і Лукашэнкі 7 лютагаУ канцы сьнежня ў кітайскім горадзе Ухань пачалася эпідэмія новага тыпу каранавірусу, які выклікае ў некаторых выпадках цяжкую форму пнэўманіі. Больш за 28 тысяч тысяч чалавек захварэлі, 565 чалавек памерлі.
ГЛЯДЗІЦЕ ТАКСАМА: Ад каранавірусу памерлі 565 чалавек. Сусьветная арганізацыя здароўя: эфэктыўных лекаў пакуль няма ГЛЯДЗІЦЕ ТАКСАМА: «Як у хлеў загналі людзей, гэта вяршыня зьдзеку!» Як расейцаў і беларусаў вывозяць з Кітаю. ФОТА