ПВТ кіраўнік Дзярждэпу наведаў адразу пасьля сустрэчы з Аляксандрам Лукашэнкам. Неўзабаве пасьля візыту Пампэо зрабіў допіс у сваім твітэры.
«Натхнёны тым, што ўбачыў у ПВТ, — напісаў Майк Пампэо. — Выдатны прыклад таго, як Беларусь можа рэалізаваць свой незвычайны патэнцыял росту дальнабачнай эканамічнай палітыкай і разумным рэгуляваньнем».
Inspired by what I saw at Hi-Tech Park #Belarus. A great example of how Belarus can seize its extraordinary growth potential by embracing forward-looking economic policies and smart regulation. It’s clear how impactful American investment can foster prosperity across the globe. pic.twitter.com/5HfEJH82IT
— Secretary Pompeo (@SecPompeo) February 1, 2020
Экскурсію для Пампэо праводзіў асабіста Усевалад Янчэўскі. Дырэктар ПВТ паказаў Пампэо працу кампаній EPAM, Flo Health, Mapbox і Saygames.
Як паведамляе партал TUT. BY, ЗША зьяўляюцца найбуйнейшым рынкам і інвэстарам для ПВТ. У Парку працуюць 62 кампаніі з амэрыканскім капіталам. Агульны экспарт праграмнага забеспячэньня ў ЗША у 2019 годзе перавысіў 900 мільёнаў даляраў.