Беларускі дом правоў чалавека апублікаваў статыстыку зваротаў у Камітэт правоў чалавека ААН, якія паступілі ад беларусаў аб сваёй дзяржаве.
Па стане на 16 сьнежня лічбы былі такія:
- агулам былі зарэгістраваны 332 звароты;
- чакаюць разгляду 152 звароты;
- парушэньні Міжнароднага пакту аб палітычных і грамадзянскіх правах пацьверджаныя ў дачыненьні 136 зваротаў;
- прызнаныя непрымальнымі 18 зваротаў;
- камунікацыя спыненая па 14 зваротах;
- не пацьвердзілі парушэньні ў 2 зваротах.
Але беларускія ўлады ігнаруюць рашэньні Камітэту правоў чалавека ААН і не даюць пацярпелым кампэнсацыю шкоды або прававую абарону.
Напрыклад, Камітэт ААН у пачатку сьнежня прыняў ужо трэцяе рашэньне аб скаргах беларускага журналіста-фрылянсэра Кастуся Жукоўскага, тройчы штрафы яму прызнавалі парушэньні ягоных правоў журналіста.
Але ніякіх кампэнсацыяў ад беларускіх уладаў яму не было. Жукоўскі ў студзені зьехаў зь Беларусі пасьля нападу невядомых, трапіў у Вялікую Брытанію і падаў там дакумэнты на статус уцекача.
ГЛЯДЗІЦЕ ТАКСАМА: Ад чаго прыйшла ў жах спэцдакладчык ААН па Беларусі