Міністэрства абароны Беларусі паведаміла, што 3 сьнежня ў Доме афіцэраў у Менску прайшла сустрэча прадстаўнікоў абаронных ведамстваў Беларусі і Злучаных Штатаў.
«Бакі абмяняліся думкамі па актуальных пытаньнях рэгіянальнай бясьпекі, а таксама абмеркавалі стан і пэрспэктывы двухбаковага ўзаемадзеяньня ў вайсковай сфэры», — піша Мінабароны.
За дзень да той сустрэчы Міністэрства замежных спраў Беларусі паведаміла, што 29 лістапада адбылася сустрэча пастаяннага прадстаўніка Беларусі пры NATO Аляксандра Міхневіча з намесьнікам генэральнага сакратара альянсу Мірчэй Джоанэ. Яны, паводле МЗС, «абмеркавалі актуальнае ўзаемадзеяньне» Беларусі і NATO, а таксама «пытаньні дзейнасьці NATO».
Ніякіх іншых падрабязнасьцяў сустрэчаў не прыводзіцца.
ГЛЯДЗІЦЕ ТАКСАМА: Чаго Лукашэнка чакае ад Вашынгтона