У час страляніны 14 лістапада ў сярэдняй школе ў горадзе Сагус на поўдні Каліфоріі былі параненыя 6 чалавек, зь іх двое памерлі ад ранаў у лякарнях, піша «Голас Амэрыкі».
Вядома, што ў лякарнях памерлі пацярпелыя ў страляніне 16-гадовая дзяўчына і 14-гадовы хлопец.
Падазраванага ў страляніне ўзялі пад варту, ён знаходзіцца ў шпіталі. Паводле CNN, страляў 16-гадовы вучань гэтай школы, і зрабіў гэта на свой дзень народзінаў
На відэа здарэньня, якое атрымала паліцыя, было відаць, як ён дастае з заплечніка пісталет 45-га калібру, страляе ў сама меней пяцёх, пасьля сабе ў галаву.
Белы дом выступіў з заявай, у якой заклікаў жыхароў раёну прытрымлівацца рэкамэндацый праваахоўнікаў і службаў хуткага рэагаваньня. Таксама адзначалася, што «прэзыдэнт адсочвае бягучыя паведамленьні аб страляніне ў школе».