У Пецярбургу прайшоў узгоднены мітынг за справядлівасьць для жанчын і ў падтрымку сясьцёр Хачатурʼян, якіх абвінавачваюць у забойстве бацькі.
Па дадзеных МБХ-медиа і «Фонтанки», у мітынгу ўзялі ўдзел каля адной тысячы чалавек. «Нямецкая хваля» паведамляе пра паўтары тысячы.
Петербург поддерживает сестёр Хачатурян и не поддерживает домашнее насилие:https://t.co/xtzf2XffBz pic.twitter.com/3rzU4YJsU9
— Илья Варламов (@varlamov) August 4, 2019
Сьледзтва выставіла сёстрам Хачатурʼян абвінавачваньне ў групавым забойстве бацькі па папярэдняй змове. Абарона сьцьвярджае, што дзеўчыны дзейнічалі ў рамках неабходнай самаабароны, і патрабуе альбо зьмякчыць абвінавачваньне, альбо спыніць справу, паведамляе расейская «Новая газета».
ГЛЯДЗІЦЕ ТАКСАМА: У Менску патрабуюць вызваліць сясьцёр Хачатурʼян, якіх судзяць у Маскве. Відэа19-гадовая Крысьціна, 18-гадовая Ангеліна і 17-гадовая Марыя забілі бацьку ў ліпені 2018 году. Падчас допыту дзеўчыны прызналі віну, і 29 ліпеня ім было выстаўлена абвінавачваньне ў забойстве без абцяжарваючых абставін. Прычынай злачынства сьледзтва назвала «асабістыя непрыязныя адносіны з прычыны прычыненьня бацькам маральных пакут на працягу доўгага часу».