Палата прадстаўнікоў Кангрэсу ЗША, кантраляваная дэмакратамі, усьлед за Сэнатам зацьвердзіла праект бюджэту ўраду да верасьня бягучага года. За прыняцьце дакумэнта выказаліся 300 заканадаўцаў, 128 — прагаласавалі супраць.
Законапраект прадугледжвае выдаткаваньне больш за 300 мільярдаў даляраў на фінансаваньне працы цэлага шэрагу міністэрстваў і ведамстваў. У той жа час патрабаваньне Трампа аб выдзяленьні амаль шасьці мільярдаў даляраў на будаўніцтва сьцяны на паўднёвай мяжы так і не было задаволена. На ўстаноўку агароджы на мяжы з Мэксыкай закладзены менш за паўтара мільярда даляраў.
Праект бюджэту перададзены на подпіс прэзыдэнту.
ГЛЯДЗІЦЕ ТАКСАМА: Трамп падпіша кампрамісны дакумэнт і абвесьціць надзвычайнае становішча, — Белы ДомУ Белым доме раней заявілі, што Дональд Трамп падпіша законапраект аб фінансаваньні фэдэральнага ўраду і ўвядзе надзвычайнае становішча ў краіне для атрыманьня сродкаў на будаўніцтва сьцяны на мяжы з Мэксыкай.
У канцы сьнежня з прычыны рознагалосься паміж Трампам і дэмакратычнай большасьцю Кангрэса адносна праекта бюджэту на 2019 год была прыпыненая праца ўраду. Шатдаўн працягваўся 35 дзён і стаў самым доўгім у гісторыі ЗША. 25 студзеня Белы дом і Кангрэс ЗША дамовіліся пра кароткатэрміновыя аднаўленьні фінансаваньня дзейнасьці ўраду, заключыўшы пагадненьне да 15 лютага.