У Баранавічах пасажыраў эвакуявалі з вакзала ў сувязі з паведамленьнем пра мініраваньне, паведаміў Tut.by карыстальнік.
Паводле афіцыйнага прадстаўніка УУС Берасьцейскай вобласьці Сяргея Дудчанкі, званок ад жанчыны, якая паведаміла пра мініраваньне, паступіў у МНС.
Правяраць паведамленьне прыехалі міліцыянты, ратавальнікі і сапёры. Людзей вывелі на вуліцу. Міну не знайшлі.
Пазьней міліцыя высьветліла, што ілжывае паведамленьне пакінула 42-гадовая жанчына, якая стаіць на псыхіятрычным уліку, паведаміла БелТА.
ГЛЯДЗІЦЕ ТАКСАМА: У лабавым сутыкненьні ў Рагачоўскім раёне загінулі 3 чалавекі. ФОТА