Адказнасьць за напад на людзей у Сургуце ўзяла на сябе тэрарыстычная арганізацыя «Ісламская дзяржава». Гэтую інфармацыю сёньня, 19 жніўня, распаўсюдзіла агенцтва Amaq, зьвязанае з джыхадыстамі.
Расейскія праваахоўныя органы раней заяўлялі, што вэрсія тэракту не зьяўляецца асноўнай.
BREAKING: %27Amaq News Agency reported #ISIS responsibility for knife attack in #Surgut #Russia pic.twitter.com/5JPz8dK6Gs
— SITE Intel Group (@siteintelgroup) 19 августа 2017 г.
У шэрагу сродкаў масавай інфармацыі ў суботу зьявіліся кадры зь месца гібелі нападніка. На іх відаць, што забіты ўвесь апрануты ў чорнае, а на жываце ў яго замацаваны прадмет, які вонкава нагадвае пояс з выбухоўкай. Паведамлялася таксама, што гэта муляж.
У суботу днём невядомы, якога ў паліцыі лічаць мясцовым жыхаром, напаў з нажом на мінакоў у цэнтры Сургуту, параніўшы сем чалавек. Ён быў застрэлены супрацоўнікамі праваахоўных органаў.
Справа расьсьледуецца па артыкуле аб замаху на забойства.