У сваім твітэры прэзыдэнт ЗША Дональд Трамп напісаў, што знаходзіцца пад расьсьледаваньнем у сувязі са звальненьнем дырэктара ФБР. «Расьсьледаваньне праводзіць той жа чалавек, які рэкамэндаваў зрабіць гэта», — усклікае прэзыдэнт.
I am being investigated for firing the FBI Director by the man who told me to fire the FBI Director! Witch Hunt
— Donald J. Trump (@realDonaldTrump) June 16, 2017
Раней Трамп напісаў, што яго сувязі з Крамлём не ўдалося даказаць. «Пасьля сямі месяцаў расьсьледаваньня і слуханьняў у камітэце з нагоды маёй „змовы з Расеяй“ ніхто так і ня змог прадставіць ніякіх доказаў. Сумна!».
After 7 months of investigations & committee hearings about my "collusion with the Russians," nobody has been able to show any proof. Sad!
— Donald J. Trump (@realDonaldTrump) June 16, 2017
Адначасова Трамп адзначыў, што амэрыканская эканоміка расьце, і ў краіне зьяўляюцца новыя працоўныя месцы.
У Кангрэсе ЗША працягваецца расьсьледаваньне магчымага ўмяшаньня Расеі ў леташнія выбары амэрыканскага прэзыдэнта. Аналягічнае расьсьледаваньне праводзіць і ФБР.
Пачатае таксама незалежнае ад адміністрацыі расьсьледаваньне па гэтым жа пытаньні, якое курыруе былы кіраўнік ФБР Робэрт Мюлер, прызначаны міністэрствам юстыцыі спэцыяльным пракурорам. Яму прадстаўленае права расьсьледаваць дзеяньні прэзыдэнта, калі для гэтага ўзьнікнуць падставы.