Высьветлілася, што зламысьнікі пасьля тэракту на мосьце, кінулі фургон і, узброіўшыся нажамі, пачалі нападаць на мінакоў паблізу рынку. Праз восем хвілін яны былі застрэлены паліцыяй. Тое, што адбылося расцанілі як тэракт.
На ўсходзе Лёндана паліцыя затрымала 12 падазраваных у датычнасьці да тэракту, які адбыўся ў ноч на нядзелю. Пра гэта паведамілі ў Скотлэнд-Ярдзе. У заяве гаворыцца, што «афіцэры Контртэрарыстычнага падразьдзяленьня затрымалі гэтай раніцай 12 чалавек у раёне Баркінг на ўсходзе Лёндана ў сувязі з інцыдэнтамі ў раёне Лёнданскага моста і рынку Бора-маркет». Па дадзеных Sky News, падазраваныя ў момант затрыманьня знаходзіліся ў доме, дзе жыў адзін з нападнікаў, якога забіла паліцыя. Імёны нападнікаў паліцыя па-ранейшаму не называе.
Гэта ўжо трэці тэрарыстычны акт у краіне за апошнія месяцы
• 22 сакавіка машына наехала на мінакоў на Вэстмінстэрскім мосьце, пасьля чаго кіроўца з нажом напаў на паліцэйскага ля будынку парлямэнту - загінулі пяць чалавек.
• 22 траўня пасьля канцэрта Арыяны Грандэ ў Манчэстэры адбыўся выбух, які ўчыніў сьмяротнік — загінулі 22 чалавекі.
Хто пацярпеў
Загінулі сем чалавек.
Параненыя 48 чалавек.
21 чалавек з ліку параненых — у крытычным стане, паведамляе Нацыянальная служба аховы здароўя:
London attack: Seven members of the public and three suspects are dead; 48 people have been injured, police say https://t.co/8ySSxt3x2B pic.twitter.com/604MtQAyQz
— CNN (@CNN) June 4, 2017
Раненьні атрымалі таксама чацьвёра паліцэйскіх, адзін з іх — сурʼёзныя. Трое з нападнікаў забітыя.
BREAKING: British Prime Minister Theresa May visits victims in the hospital; 21 people remain in critical condition.
— The Associated Press (@AP) June 4, 2017
Паводле інфармацыі памочніка камісара гарадзкой паліцыі Марка Роўлі, на тых, хто нападаў былі надзетыя муляжы выбуховых прыладаў.
Як дзейнічала паліцыя
• У Лёндане закрылі некалькі станцый мэтро, ачапілі раён моста, дзе грузавік урэзаўся ў людзей. Станцыя «Лёндан-брыдж», чыгуначны вакзал, хутчэй за ўсё, ня будуць працаваць увесь дзень.
WATCH: People in the area of attacks in central London evacuate with their hands on their heads. Live video: https://t.co/wL2GAJm09L pic.twitter.com/PLs1UmhPPX
— Reuters Top News (@Reuters) June 4, 2017
• Адразу пасьля тэракту ў пабах затрымлівалі людзей:
• 4 чэрвеня днём паліцыя затрымала 12 падазраваных у датычнасьці да тэракту.
Twelve people arrested in Barking, east London, in connection with #LondonAttacks, Met Police say https://t.co/p7ys2l0eWq pic.twitter.com/tyuLrgKHK1
— BBC Breaking News (@BBCBreaking) June 4, 2017
• Паліцыя праводзіць ператрусы ў доме ва ўсходнім раёне Лондана Іст-Хэм, тэрыторыя вакол будынка ачэплена, паведамляе Reuters.
Ці ўзяў хто-небудзь адказнасьць за тэракт
Не, пакуль ніхто не ўзяў адказнасьць за тое, што здарылася.
Пасьля тэракту 22 сакавіка (калі машына наехала на мінакоў на Вэстмінстэрскім мосьце) і 22 траўня (калі адбыўся выбух на канцэрце ў Манчэстэры) улады Вялікабрытаніі паднялі ўзровень тэрарыстычнай пагрозы да максымальнага, аднак 27 траўня яго панізілі на адну прыступку.
Што вядома пра нападнікаў
Асобы ўсіх трох нападнікаў устаноўлены. Аднак іх імёны наўрад ці назавуць бліжэйшым часам.
Адзін з удзельнікаў нападу, застрэлены паліцыянтамі, быў жанаты, у яго засталіся двое дзяцей. Ён жыў у раёне Баркінг на ўсходзе Лёндана апошнія тры гады.
Як адрэагавалі ўлады
• Мэр Лёндана Садок Хан заявіў, што апошнія тэракты ў Лёндане не павінны аказаць уплыў на графік парлямэнцкіх выбараў у Вялікабрытаніі, якія заплянаваны на 8 чэрвеня. «Яны хочуць, каб мы спынілі атрымліваць асалоду ад тых свабодаў, што ў нас ёсьць... яны хочуць, каб мы не галасавалі на ўсеагульных выбарах у чацьвер... мы ня можам дазволіць ім зрабіць гэтага », — сказаў ён.
Mayor of London Sadiq Khan calls the London Bridge attackers %27cowardly terrorists%27. Read the latest: https://t.co/qdSjtOISgv pic.twitter.com/q3JHSvGEgQ
— Reuters Top News (@Reuters) June 4, 2017
• Прэмʼер-міністар Вялікабрытаніі Тэрэза Мэй заявіла, што Брытанія не павінна рабіць выгляд, што нічога не адбылося. Паводле яе слоў, трэба ўвесьці новыя правілы рэгуляваньня кібэр-прасторы, каб ня даць уздыхнуць прапаведнікам радыкалізму, а таксама неабходна забыцца пра думкі, што ў сьвеце ёсьць бясьпечныя месцы. 4 чэрвеня Мэй праводзіць экстраннае пасяджэньне ўрадавага надзвычайнага камітэта КОБРА.
• Кіраўнічая Кансэрватыўная партыя Вялікабрытаніі заявіла аб прыпыненьні на суткі сваёй перадвыбарнай кампаніі з прычыны тэрактаў у Лёндане. • Каралева Лізавета II наведала царква ў Віндзоры, дзе прагучалі малітвы за загінулых і пацярпелых у выніку тэракту.
Рэакцыя ў сьвеце
• Папа рымскі Францішак заклікаў каталікоў ва ўсім сьвеце маліцца за Лёндан.
• Прэзыдэнт ЗША Дональд Трамп абрынуўся з крытыкай на мэра Лёндана Садка Хана, які пасьля нападу заклікаў захоўваць спакой. «Па меншай меры сем чалавек загінулі і 48 параненыя ў тэрарыстычным нападзе, і мэр Лёндана кажа, што няма прычын для турботы! »- напісаў Трамп у твітэры:
At least 7 dead and 48 wounded in terror attack and Mayor of London says there is "no reason to be alarmed!"
— Donald J. Trump (@realDonaldTrump) June 4, 2017
• У памяць аб ахвярах тэракту ў ноч на 5 чэрвеня патухнуць агні Эйфелевай вежы, напісала ў свой твітэры мэр Парыжа.
En hommage aux victimes de l%27attaque terroriste de #Londres, @LaTourEiffel s%27éteindra ce soir dès 00h45. #LondonBridge #BoroughMarket pic.twitter.com/OvNcLGzfln
— Anne Hidalgo (@Anne_Hidalgo) June 4, 2017