Цяперашні прэзыдэнт ЗША Барак Абама казаў, што «гісторыя вынесе свой вырак»; пераможца на выбарах Дональд Трамп называў Кастра «жорсткім дыктатарам»; Уладзімір Пуцін назваў Кастра «выдатным дзяржаўным дзеячом», а Кубу ў ягоныя часы — «натхняльным прыкладам для шматлікіх краінаў»; Аляксандар Лукашэнка казаў, што «мы страцілі мысьляра, замены якому пакуль няма».
Ды найбольшую рэакцыю ў інтэрнэце выклікала выказваньне прэм’ер-міністра Канады Джастына Трудо. Той расхваліў Кастра як «выдатнага лідэра», які «служыў сваім людзям амаль паўстагодзьдзя», хоць і назваў яго «неадназначнай фігурай». Ён дадаў, што ягоны бацька ганарыўся сяброўствам з Кастра.
У Twitter ды іншых сацсетках людзі пачалі публікаваць падобныя выказваньні пад хэштэгам #TrudeauEulogies — «панегірыкі Трудо»:
«Мы смуткуем аб сьмерці Ўлада Цэпэша Дракула, які ўзначаліў ініцыятывы, што кранулі сэрцы мільёнаў»
We mourn the death of Vlad the Impaler, who spearheaded initiatives which touched the hearts of millions. #TrudeauEulogies #trudeaueulogy pic.twitter.com/z1pznoHj7P
— Conservosaurus (@conservosaurus) November 26, 2016
«Усама бін Ладэн быў, вядома, неадназначнай фігурай, але ягоны ўнёсак у бясьпеку аэрапортаў ня мае сабе роўных»
Osama Bin Laden was certainly a controversial figure, but his contribution to airport security is unparalleled. #TrudeauEulogies
— Deplorable Michael (@Beezer1776) November 27, 2016
«Але ж заганны Гітлер быў вэгетарыянцам, які любіў жывёлаў, зрабіў унёсак у мастацтва, быў гордым абаронцам Нямеччыны»
Although flawed Hitler was a vegetarian who loved animals, was a contributor to the arts & proud advocate for Germany. #TrudeauEulogies
— Rita Panahi (@RitaPanahi) November 27, 2016
«Мао быў бліскучым рэвалюцыянэрам, які выратаваў мільёны ад працяглага голаду, эфэктыўна адаслаўшы іх у месцы масавых пахаваньняў»
Mao was a brilliant revolutionary who saved millions from long-term starvation by efficiently sending them to mass graves. #TrudeauEulogies
— Raven (@KazeSkyz) November 27, 2016
«З ягонай інавацыйнай праграмай абнаўленьня гораду Пол Пот сьмела змагаўся з неадкладнай праблемай перанасяленьня»
With his innovative urban renewal program, Pol Pot bravely confronted the pressing challenge of overpopulation. #trudeaueulogies
— Kurt Schlichter (@KurtSchlichter) November 26, 2016
«Не забудзем Джэка Трыбухарэза як вялікага дабрадзея, які працаваў не пакладаючы рук дзеля ліквідацыі прастытуцыі на вуліцах»
Let us remember Jack the Ripper as a great benefactor who worked tirelessly to get female prostitutes off the streets. #trudeaueulogies
— Natalie Faulk (@NatalieFaulk) November 27, 2016
«Мы смуткуем аб страце Юды Іскарыёта. Памятаеце ягоныя амбіцыі і дзелавую хватку? Нішто не магло стаць на ягоным шляху, нават сябры»
We mourn the loss of Judas Iscariot. Remember his ambition & business acumen. Nothing got in his way. Not even friends. #TrudeauEulogies
— clakklaa (@clakklaa) November 26, 2016
«У глыбокім смутку і з падзякай мы шануем Саўрона, які імкнуўся стварыць больш уніфікаваны сьвет»
"We deep sadness and appreciation we honor Sauron, who sought to create a more unified world." #TrudeauEulogy #TrudeauEulogies pic.twitter.com/cmYyBF7EoU
— Fishing With Fredo (@FishingwFredo) November 27, 2016
«А мне і прыдумляць нічога ня трэба», — піша карыстальнік і дае ранейшую цытату Трудо пра тое, што «забойствы тых, хто зьняславіў сям’ю, нельга называць барбарскімі».
#trudeaueulogies I don%27t have to make one up. pic.twitter.com/3XL3ZupIH3
— Orwell & Goode 🐸 (@LaissezFaireB) November 27, 2016
Падобныя словы пра Гітлера гучалі ня жартам, а зусім сур’ёзна з вуснаў Аляксандра Лукашэнкі ў 1995 годзе, падчас інтэрвію Handelsblatt:
«Гісторыя Нямеччыны — гэта зьлепак у нейкай ступені гісторыі Беларусі на пэўных этапах. У свой час Нямеччына была паднятая з руінаў дзякуючы вельмі жорсткай уладзе вядомым Адольфам Гітлерам. Ня ўсё толькі дрэннае было зьвязанае ў Нямеччыне зь вядомым Адольфам Гітлерам. Нямецкі парадак фармаваўся стагодзьдзямі, пры Гітлеру гэтае фармаваньне дасягнула найвышэйшага пункту. Гэта тое, што адпавядае нашаму разуменьню прэзыдэнцкай рэспублікі і ролі ў ёй прэзыдэнта: Гітлер сфармаваў магутную Нямеччыну дзякуючы моцнай прэзыдэнцкай уладзе. Нямеччына ўзьнялася дзякуючы моцнай уладзе, дзякуючы таму, што ўся нацыя здолела кансалідавацца і аб’яднацца вакол моцнага лідэра. Кіраўнік дзяржавы — прэзыдэнт, ягоны аўтарытэт, ягоная вядучая роля — выходзяць на гэтым этапе на першае месца. Гэтаму вучыць нас нямецкая гісторыя».
Лукашэнка пазьней адмаўляўся ад тых словаў, хоць і не выбачаўся за іх. Трудо ж пазьней прызнаў, што Кастра быў дыктатарам. Але ня выбачыўся, што зусім не ўласьціва канадцам.