Жыхара Цьверы Андрэя Бубеева асудзілі на два гады турмы за рэпост. Паводле зьвестак экспэрта Інстытуту крыміналістыкі ФСБ, рэпост Бубеева ў сацсетцы «УКантакце» заклікаў да «парушэньня тэрытарыяльнай цэласнасьці Расейскай Фэдэрацыі». Нагодай стаў рэпост артыкула Барыса Стамахіна «Крым — гэта Ўкраіна».
У канцы жніўня 2017-га, выйшаўшы з турмы, Андрэй Бубееў тут жа пераехаў з сям’ёй у Украіну. Пяцігадовы Агняяр ужо два тыдні ходзіць у кіеўскі дзіцячы сад. У роднай Цьверы яго прыняць адмовіліся. З бацькамі Андрэй і Наста асабліва не размаўляюць — тыя не падзяляюць іх поглядаў. Але пара ні пра што не шкадуе.
У інтэрвію «Настоящему времени» Андрэй расказаў, як цяпер сям’я жыве ва Ўкраіне і як жыла ў Расеі. Кажа, ва Украіне ў іх сям’і зьявілася будучыня.
