Лінкі ўнівэрсальнага доступу

Валянціну Быкаву пахавалі ў вёсцы Ваўчо


Разьвітаньне зь сястрой Васіля Быкава адбылося ў яе роднай хаце ў вёсцы Ваўчо, дзе яна правяла сваю апошнюю ноч. Паводле тастамэнту, пахавалі каля мужа, які памёр шмат гадоў таму.

Учора нябожчыцу даставілі зь Віцебскага абласнога шпіталя, — там Валянціна Быкава памерла ў выніку атрыманых у траўні траўмаў ад нападу невядомага.

Пахаваньнем займаліся мясцовыя ўлады — райвыканкам і райсавет. Яны арганізавалі дастаўку цела, пахаваньне на могілках, а таксама жалобны стол. Сацыяльныя службы належным чынам прывялі ў парадак і падворак, і могілкі.

Разьвітацца зь цёткай прыехалі сыны Васіля Быкава — Васіль і Сяргей, а таксама сын яе малодшага брата зь вёскі Бычкі Мікалая Харака, які зьяўляецца загадчыкам музэю-сядзібы Васіля Быкава. Таксама былі літаратар Глеб Лабадзенка і ўдава Рыгора Барадуліна — Валянціна Барадуліна.

Дарэчы, высьветлілася, што паводле дакумэнтаў, Валянціна Быкава ня мела сёлета 90-гадовы юбілею. Калісьці яна «амаладзілася» на адзін год і запісала датай нараджэньня 24 чэрвеня 1927 году.

Насамрэч, сястра Быкава нарадзілася 7 ліпеня 1926 году, яна не дажыла чатыры дні да 90-годзьдзя.

З боку прадстаўнікоў уладаў на пахаваньні гучалі словы пра тое, што нападу на Валянціну Быкаву магло ня быць, і што яна магла сама паваліцца і паламаць руку і рэбры.

Хата Валянціны Быкавай у Ваўчы
Хата Валянціны Быкавай у Ваўчы

Разьвітваецца Сяргей Быкаў, сын Васіля Быкава, крайні справа — яшчэ адзін сын, Васіль Быкаў
Разьвітваецца Сяргей Быкаў, сын Васіля Быкава, крайні справа — яшчэ адзін сын, Васіль Быкаў

Разьвітваецца Антаніна Быкава, удава малодшага брата, Мікалая
Разьвітваецца Антаніна Быкава, удава малодшага брата, Мікалая

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG