Лінкі ўнівэрсальнага доступу

Украінцам небясьпечна знаходзіцца ў Беларусі, — міністар замежных справаў Украіны


Паўло Клімкін, архіўнае фота
Паўло Клімкін, архіўнае фота

Міністар замежных справаў Украіны Паўло Клімкін у інтэрвію Ukrinform заявіў, што ўкраінцам небясьпечна знаходзіцца ў Беларусі пасьля зьнікненьня ў Беларусі ўкраінца Паўла Грыба і яго меркаванага выкраданьня расейскім ФСБ.

«Давайце шчыра скажам: пасьля таго, як Паўло Грыб зьнік з тэрыторыі Беларусі, мы павінны гаварыць аб небясьпецы знаходжаньня ўкраінскіх грамадзянаў ня толькі на расейскай тэрыторыі, — казаў Клімкін. — Хачу скарыстацца гэтым інтэрвію і яшчэ раз папярэдзіць грамадзянаў Украіны аб небясьпецы знаходжаньня на расейскай тэрыторыі, дзе ўсе расейскія спэцслужбы пасьлядоўна дзейнічаюць супраць нашых грамадзянаў. Я заклікаю кожнага, хто едзе на расейскую тэрыторыю, вельмі добра падумаць, ці ехаць туды. Але цяпер у нас стварылася сытуацыя, калі мы бачым, што расейскія спэцслужбы дзейнічаюць таксама на тэрыторыі Беларусі, і я лічу, што ўкраінскія грамадзяне маюць узважваць, якім чынам езьдзіць туды».

На ўдакладненьне пра тое, ці будуць украінцаў гэтак жа засьцерагаць ад паездак у Беларусь, як засьцерагаюць ад паездак у Расею, Клімкін сказаў, што гэтыя засьцярогі могуць быць рознымі, але дадаў:

«Мы ведаем, што адбываецца, аднак павінны дзейнічаць у юрыдычных рамках, грунтуючыся на фактах і доказах».

Украіна з 1 студзеня 2018 году будзе патрабаваць ад тых, хто перасякае мяжу, біямэтрычныя дадзеныя (у прыватнасьці адбіткі пальцаў): або празь біямэтрычныя пашпарты (у Беларусі такіх пакуль не выдаюць), або праз здаваньне гэтых дадзеных проста на мяжы.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG