Лінкі ўнівэрсальнага доступу

Беларуса злавілі ў Польшчы пры спробе нелегальна правезьці «Ролс-Ройс» за 60 тысяч эўраў


Rolls-Royce, які беларус спрабаваў правезьці па фальшывых дакумэнтах

Жыхар Беларусі спрабаваў вывезьці з Польшчы ў Расею аўтамабіль Rolls-Royce 1937 году з падробленымі дакумэнтамі, паведамляюць польскія памежнікі.

На вываз з Эўразьвязу аўтамабілю, даражэйшага за 50 тысяч эўраў, патрэбны адмысловы дазвол. 47-гадовы мужчына такога ня меў, а Rolls-Royce ацанілі ў 254 тысячы злотых — больш за 60 тысяч эўраў. Разам зь ім мужчына вёз Franklin Airman Type 12A 1928 году і Jaguar 1951 году, машыны ён набыў у Нідэрляндах.

За фальсыфікацыю дакумэнтаў мужчыну затрымалі, ён прызнаў віну і даў тлумачэньні. Што яму цяпер пагражае і ці сканфіскуюць аўта, не ўдакладняецца.

Ваша меркаваньне

Паказаць камэнтары

XS
SM
MD
LG