Лінкі ўнівэрсальнага доступу

Пуцін не баіцца амэрыканскіх санкцыяў і прагназуе абвастрэньне двухбаковых адносінаў


Уладзімер Пуцін, архіўнае фота

Прэзыдэнт Расеі Ўладзімер Пуцін заявіў, што магчымыя новыя санкцыі Вашынгтону супраць Масквы ўскладняць адносіны двух дзяржаў. Пры гэтым адзначыў, што казаць пра сымэтрычныя дзеяньні ў адказ пакуль дачасна.

«Трэба паглядзець, як усё гэта будзе адбывацца, таму зараз публічна казаць пра нашыя дзеяньні ў адказ дачасна. Важна толькі адзначыць: што б ні адбывалася, якія б рашэньні ні былі прынятыя за акіянам — а трэба яшчэ паглядзець у канчатковым выніку, у што ўсё выльецца — гэта не паставіць нас у тупік», — сказаў Пуцін у інтэрвію праграме «Вести в субботу» на тэлеканале «Россия 1».

Расейскі кіраўнік ня выключыў, што нешта ў палітыцы давядзецца адкарэктаваць, нешта трэба будзе дадаткова зрабіць, але гэта не прывядзе да тупіку і да каляпсу.

«Але гэта, вядома, прывядзе да праблемаў расейска- амэрыканскіх адносінах. І я лічу, што гэта шкодна», — канстатаваў Пуцін.

Днямі Сэнат ЗША ўхваліў «Закон аб супрацьдзеяньні расейскаму ўплыву ў Эўропе і Эўразіі», які пашырае санкцыі адносна Расеі. Такім чынам, спадзяваньні Крамля на выхад зь міжнароднай ізаляцыі пасьля прыходу да ўлады ў Злучаных Штатах Доналда Трампа ня спраўджваюцца.

Ваша меркаваньне

Паказаць камэнтары

XS
SM
MD
LG