Лінкі ўнівэрсальнага доступу

Новы парлямэнт Італіі рызыкуе стаць «падвешаным». Кааліцыя Бэрлюсконі і левыя набралі па траціне галасоў


Паводле папярэдніх вынікаў парлямэнцкіх выбараў у Італіі, правацэнтрысцкая кааліцыя партыяў «Наперад, Італія», Ліга Поўначы і «Браты Італіі» атрымала лідэрства з больш як трацінай галасоў. Але для бальшыні ў парлямэнце кааліцыі экс-прэм’ера Сыльвіё Бэрлюсконі трэба 316 месцаў у ніжняй палаце, кааліцыя мае атрымаць 248–268 месцаў.

Сьледам ідзе кааліцыя левых партыяў «5 зорак» — яна мае крыху менш за траціну галасоў (ішла на выбарах як адзіная партыя, атрымала першае месца як партыя без уліку кааліцыяў). Трэцяе месца маюць сацыял-дэмакраты, у якіх ад чацьвёртай да пятай часткі галасоў.

Падчас выбараў Актывістка FEMEN паспрабавала перашкодзіць Бэрлюсконі прагаласаваць.Сам Бэрлюсконі нават у выпадку перамогі правацэнтрысцкай кааліцыі ня зможа заняць пасаду прэм’ера, бо ён быў раней асуджаны за фінансавыя злачынствы.

Як пішуць BBC, Politico і іншыя СМІ, парлямэнт Італіі можа аказацца «падвешаным», бо бальшыні не атрымала ніводная з кааліцыяў і цалкам магчыма, што кампрамісу між рознымі сіламі ня знойдзецца (раней усе яны заяўлялі, што на кампраміс ня пойдуць). CNN адзначае «ўсплёск падтрымкі папулістаў».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG