Лінкі ўнівэрсальнага доступу

Называць беларускую мову «дзікай сумесьсю» незаконна: за гэта аштрафавалі жыхара Рэчыцы


Ігар Случак, архіўнае фота

Яраслаў Драгун з Рэчыцы аштрафаваны на неназваную суму паводле артыкулу 9.22 КаАП РБ «Парушэньне заканадаўства аб мовах», перадае «Наша Ніва». У ліпені ў камэнтарах «УКантакце» ён назваў беларускую мову «дзікай сумесьсю расейскай, украінскай і польскай».

Заяву ў Рэчыцкі райвыканкам на Драгуна напісаў юрыст Ігар Случак, а райвыканкам у жніўні накіраваў запыты ва ўстановы адукацыі і экспэртныя ўпраўленьні, каб атрымаць неабходныя заключэньні. Урэшце ў верасьні Случаку адказалі, што на Драгуна накладзена адміністрацыйнае спагнаньне.

Случак мяркуе, што Драгун прызнаў сваю віну, бо пастанову выносіў райвыканкам, а ня іншая ўстанова, а калі ён сапраўды прызнаў віну, пакараньне мае быць мінімальным.

Пасьля скаргаў Случака ўжо чатыры разы людзей прызнавалі вінаватымі ў абразе беларускай мовы. Сам Случак кажа, што не атрымлівае асалоды ад такіх скаргаў.

Ігар Случак: «Хтосьці думае, што я ад гэтага кайфую. Наадварот, мне брыдка гэтым займацца»

Ваша меркаваньне

Паказаць камэнтары

XS
SM
MD
LG